නවීන සහ මානවවාදි ප්‍රතිපත්ති නිර්මාණය කිරීම සඳහා තරුණ පරම්පරාව ශක්තිමත් කළ යුතුයි – සජිත් ප්‍රේමදාස ..
සමගි ජන බලවේගයේ මැතිවරණ ප්‍රතිපත්ති ප්‍රකාශය සහ අනාගත ජාතික ප්‍රතිපත්ති සම්පාදනය සඳහා විවිධ ක්‍ෂේත්‍ර නියෝජනය කරමින් පිහිටුවන ලද කමිටු රැසක සාකච්ඡාවක් සහ අදහස් හුවමාරු කර ගැනීමක් මේ දිනවල සිදුවෙමින් පවතින අතර එහි තරුණ කමිටු රැස්වීම ඊයේ (27) සජිත් ප්‍රේමදාස මහතාගේ ප්‍රධානත්වයෙන් කොළඹ දී පවත්වා ඇත. ඒ සදහා සමගි ජන බලවේගයේ මහලේකම් රංජීත් මද්දුමබණ්ඩාර, මයන්ත දිසානායක, කාවින්ද ජයවර්ධන, එස්.එම් මරික්කාර් යන හිටපු පාර්ලිමේන්තු මන්ත්‍රිවරුන් සහභාඟිවි සිටින ලදී. නවීන සහ මානවවාදි ප්‍රතිපත්ති නිර්මාණය කිරීම සඳහා මෙන්ම ශක්තිමත් තරුණ පරම්පරාවක් නිර්මාණය කිරීමට අවශ්‍ය වැඩපිළිවෙලක් සකස් කිරීම සඳහා පියවර ගතයුතු බව මෙහිදි සාකච්ඡා කර ඇත. තරුණ පරම්පරාවට ඇති ප්‍රශ්න පිළිබඳව යම් වාර්තාවක් සකස් කර කඩිනමින් එය සමගි ජන බලවේගයේ මහ ලේකම් රංජීත් මද්දුම බණ්ඩාර මහතාට ලබාදෙන ලෙස සජිත් ප්‍රේමදාස මහතා මෙහිදි පවසා ඇත.
