මිනුවන්ගොඩ දී පොලිසිය කළ වෙඩි තැබීමකින් පාතාල කල්ලි සාමාජිකයෙකු මරුට..
මිනුවන්ගොඩ ප්‍රදේශයේදී පොලිසිය විසින් සිදුකරන ලද වෙඩි තැබීමකින් පාතාල කල්ලි සාමාජිකයෙකු මියගොස් ඇතැයි වාර්තා වේ. මිනුවන්ගොඩ, බල්ලපාන ප්‍රදේශයේදී පොලීසිය සිදුකළ වෙඩි තැබීමකදී අදාළ පාතාල කල්ලි සාමාජිකයා මියගොස් ඇත. මිය ගිය පුද්ගලයා පසුගිය දා ගල්කිස්ස, සොයිසාපුර ප්‍රදේශයේ හෝටලයකට වෙඩි තැබීමේ සිද්ධියට සම්බන්ධ ප්‍රධාන සැකකරු බව ද පොලිසිය විසින් අනාවරණය කරගෙන ඇත. මෙම සැකකරු සම්බන්ධයෙන් ලද තොරතුරකට අනුව පෑලියගොඩ අපරාධ විමර්ශන ඒකකය විසින් මත අද (07) අළුයම් කාලයේ මිනුවන්ගොඩ, බල්ලපාන ප්‍රදේශය ආශ්‍රිතව සිදුකරන ලද මෙහෙයුමකදී සැකකරු විසින් පොලීසියට වෙඩි තබා ඇති අතර එහිදී පොලිසිය විසින් එල්ලකරන ලද වෙඩි ප්‍රහාරයකින් සැකකරු තුවාල ලබා තිබේ. එහිදී දිවුලපිටිය රෝහලට ඇතුළත් කර ඇති සැකකරු මියගොස් ඇත. වයස අවුරුදු 50 ක් වන බල්ලාපාන ප්‍රදේශයේ තාවකාලිකව පදිංචිව සිටි මෙම සැකකරු ඝාතන සිදුවීම් කිහිපයකට ද සම්බන්ධ අයෙකු බවට තොරතුරු වාර්තා වී තිබේ.
