බස්නාහිර කළ වැටලීමකින් විවිධ මත්ද්‍රව්‍ය සන්තකයේ තබාගෙන සිටි 429 ක් දැලේ..
ඊයේ (08) උදෑසන 06.00 සිට අද (09) උදෑසන 05.00 දක්වා වන කාලය තුළ බස්නාහිර පළාතේ සිදුකරන ලද විශේෂ වැටලීමකදී හොරොයින් ඇතුළු මත්ද්‍රව්‍ය සන්තකයේ තබාගෙන සිටි සැකකරුවන් 429 දෙනෙකු පොලිස් අත්අඩංගුවට පත්ව ඇති බව වාර්තා වේ. ඒ අනුව එහිදී හෙරොයින් සන්තකයේ තබාගෙන සිටි සැකකරුවන් 200 ක්, ගංජා සන්තකයේ තබාගෙන සිටි සැකකරුවන් 89 ක්, අයිස් මත්ද්‍රව්‍ය සන්තකයේ තබාගෙන සිටි පුද්ගලයින් 12 ක් ද පොලිසිය විසින් අත්අඩංගුවට ගෙන ඇත. එමෙන්ම නීති විරෝධී මත්පැන් සන්තකයේ තබාගෙන සිටි සැකකරුවන් 99 ක්, ගෝඩා සන්තකයේ තබාගෙන සිටි සැකකරුවන් 14 ක්, මාවා සන්තකයේ තබාගෙන සිටි එක් සැකකරුවෙකු ඇතුළු තවත් පුද්ගලයින් 14 දෙනෙකු ද මෙසේ පොලිස් අත්අඩංගුවට ගෙන තිබේ.
