සේවය අතහැර යාමේ නියෝග ලබා සිටින පොලිස් නිලධාරීන් යළි සේවයේ පිහිටුවීමට අවධානය..
සේවය අතහැර යාමේ නියෝග ලබා සිටින පොලිස් නිලධාරීන් යළි සේවයේ පිහිටුවීම සම්බන්ධයෙන් සලකා බැලීමට ආරක්ෂක අමාත්‍යාංශයේ අවධානය යොමුව ඇති බව වාර්තා වේ. මේ සඳහා අමාත්‍ය මණ්ඩල අනුමැතිය ද ලැබී ඇති අතර ති‍්‍රපුද්ගල කමිටුවක නිර්දේශ මත පොලිස් නිලධාරීන් නැවත සේවයේ පිහිටුවීමට කටයුතු කරන බව ආරක්ෂක අමාත්‍යාංශය නිවේදනය කර සිටියි. ඒ අනුව පොලිස් නිලධාරීන්ගේ අභියාචනා සැලකිල්ලට ගනිමින් මෙම කටයුතු සිදුකරන්නැයි ආරක්ෂක ලේකම්වරයා විසින් නියෝග කර තිබේ.
