වත්කම් හා මුදල් අයථා ලෙස ඉපයීම, හිටපු පාර්ලිමේන්තු මන්ත්‍රී සජින් වාස්ට එරෙහිව නඩුවේ වැඩිදුර සාක්‍ෂි විභාගය ලබන 25 වනදා..
වත්කම් හා මුදල් අයථා ලෙස උපයා ගත් බවට චෝදනා කරමින් හිටපු පාර්ලිමේන්තු මන්ත්‍රී සජින් වාස් ගුණවර්ධන මහතාට එරෙහිව ගොනුකර තිබෙන නඩුවකට අදාළ වැඩිදුර සාක්‍ෂි විභාගය ලබන 25 වනදා යළි කැඳවන්නැයි අධිකරණය විසින් නියෝග කර ඇති බව වාර්තා වේ. නීතිපතිවරයා විසින් ගොනුකර තිබෙන අදාළ නඩුව කැඳවූ කොළඹ මහාධිකරණය විසින් ඊයේ (22) මෙම නියෝගය ලබාදී ඇත. පාර්ලිමේන්තු මන්ත්‍රීවරයෙක් ලෙස සිටි සමයේදී නීත්‍යානුකූල ආදායම අභිබවමින් රුපියල් කෝටි 30 කට අධික මුදලක් අයථා ලෙස ඉපයූ බවට චෝදනා කරමින් මෙම නඩුව ගොනුකර ඇත. ඒ අනුව මුදල් විශුද්ධිකරණය වැළැක්වීමේ පනත යටතේ වරදක් සිදුකළ බවට චෝදනා කරමින් නීතිපතිවරයා විසින් මෙම නඩුව ගොනුකර ඇත.
