අගරදගුරුතුමන් ගැන කළ ප්‍රකාශය පිළිබඳ සිය ස්ථාවරයේ වෙනසක් නෑ – එක්සත් ජාතික පක්‍ෂ හිටපු පාර්ලිමේන්තු මන්ත්‍රි හරීන් ප්‍රනාන්දු
කාදිනල් මැල්කම් රංජිත් අගරදගුරුතුමන් සම්බන්ධයෙන් සිදුකරන ලද ප්‍රකාශය පිළිබඳ සිය ස්ථාවරයේ වෙනසක් නොමැති බව එක්සත් ජාතික පක්‍ෂ හිටපු පාර්ලිමේන්තු මන්ත්‍රි හරීන් ප්‍රනාන්දු මහතා අවධාරණය කර සිටියි. පාස්කු ප‍්‍රහාරය සහ අගරදගුරු කාදිනල් මැල්කම් රංජිත් හිමිපාණන් සම්බන්ධයෙන් හරීන් ප්‍රනාන්දු මහතා විසින් පසුගිය දිනෙක සිදුකරන ලද ප්‍රකාශය හේතුවෙන් රට තුළ මහත් ආන්දොලනයක් හටගන්නා ලදී. අදාළ ප්‍රකාශය සම්බන්ධයෙන් සිය ස්ථාවරයේ වෙනසක් නොමැති බව හරීන් ප්‍රනාන්දු මහතා පවසන ලද්දේ ඊයේ (23) බදුල්ලේ පැවති ජනහමුවකදීය.
