පාසල් අද සිට විවෘත වේ..
දිවයිනේ සියලු පාසල් අද (29) සිට අදියර 04 ක් යටතේ විවෘත කෙරෙන බව අධ්‍යාපන අමාත්‍යාංශය අනාවරණය කර සිටියි. විදුහල්පතිවරුන්, ගුරුවරුන් සහ අනධ්‍යයන කාර්ය මණ්ඩලය සඳහා අද දිනයේදී සියලුම පාසල් විවෘත කෙරේ. ඒ අනුව අද සිට සතියක කාලයක් පාසල්වල විෂබීජහරණය, පිරිසිදු කිරීම් ඇතුළු පරිපාලන කටයුතු සිදුකිරීම මෙම කාලය තුළ සිදුවනු ඇත. ලබන ජුලි මස 06 වන දින සිට පළමු අදියර යටතේ 05, 11 සහ 13 ශ්‍රේණිවල සිසුන් සඳහා පාසල් ආරම්භ කරනු ඇත. 10 සහ 12 ශ්‍රේණි සඳහා ලබන ජූලි මස 20 වනදා පාසල් විවෘත වේ. 03, 04, 06, 07, 08 හා 09 යන ශ්‍රේණිවල සිසුන් වෙනුවෙන් පාසල් ආරම්භ වන්නේ ජූලි 27 වනදා සිටය. කෙසේ වෙතත් 01 හා 02 ශ්‍රේණි සඳහා පාසල් විවෘත කිරීමේ දිනය සම්බන්ධයෙන් මෙතෙක් අවසන් තීරණයකට එළඹ නොමැත.
