පොලිස් මත්ද්‍රව්‍ය නාශක කාර්යාංශයේ අධ්‍යක්‍ෂවරයාට ස්ථාන මාරුවක්..
පොලිස් මත්ද්‍රව්‍ය නාශක කාර්යාංශයේ අධ්‍යක්‍ෂ නියෝජ්‍ය පොලිස්පති සජීව මැදවත්ත මහතාට පොලිස් සුබසාධන අංශයට ස්ථාන මාරුවක් ලබාදී ඇති බව වාර්තා වේ. ඒ අනුව නියෝජ්‍ය පොලිස්පති කේ. අපෝන්සු මහතා පොලිස් මත්ද්‍රව්‍ය නාශක කාර්යාංශයේ අධ්‍යක්‍ෂධූරයට පත්කර ඇත. වැඩබලන පොලිස්පතිවරයා විසින් කරන ලද ඉල්ලීමකට අනුව මෙම ස්ථාන මාරුව සහ නව පත්වීම සිදුකර තිබේ. පොලිස් මත්ද්‍රව්‍ය නාශක කාර්යාංශයේ නිලධාරීන් කිහිපදෙනෙකු මත්ද්‍රව්‍ය බෙදාහැරීම ඇතුළු නීතිවිරෝධී කටයුතු කිහිපයක් සම්බන්ධයෙන් පසුගියදා චෝදනා එල්ලවිය.
