ඇසළ පුර පසළොස්වක පොහොය දිනය අදයි..
ඇසළ පුර පසළොස්වක පොහොය දිනය අද (04) යි. සම්බුද්ධ ශාසනයේ වැදගත් සිදුවීම් රැසක් ඇසළ පුර පසළොස්වක පොහොය දිනයේදී සිදුව ඇත. සිදුහත් කුමරු මහාමායා දේවියගේ කුසෙහි පිළිසිඳ ගැනීම, රාහුල කුමරාගේ උත්පත්තිය, සිදුහත් කුමරු ගිහිගෙය අතහැරයාම ඇතුළු වැදගත් සිදුවීම් රැසක් මෙම පොහො දිනයේදී සිදුව ඇති බව සඳහන් වේ. එමෙන්ම බුදුරජාණන් වහන්සේගේ මංගල ධර්ම දේශනාව සිදුකර ඇත්තේ ඇසළ පුර පසළොස්වක පොහො දිනකදීය. බුදුරජාණන් වහන්සේ සිය සදහම් චාරිකාව ආරම්භ කර ඇත්තේ ද ඇසළ පුර පසළොස්වක පෝය දිනයකදීය.
