කටුනායක ගුවන්තොටුපොළේ තීරුබදු රහිත සාප්පු සංකීර්ණය අද සිට යළි විවෘතයි..
පසුගිය මාර්තු 09 වැනිදා සිට මැයි 31 වැනිදා දක්වා මෙරටට පැමිණි ගුවන් මගීන් වෙනුවෙන් පමණක් කටුනායක, බණ්ඩාරනායක ජාත්‍යන්තර ගුවන්තොටුපොළේ තීරුබදු රහිත සාප්පු සංකීර්ණය අද (06) සිට යළි විවෘත කෙරෙන බව ගුවන්තොටුපොළ හා ගුවන් සේවා සමාගම පවසා සිටියි. මෙම තීරුබදු රහිත සාප්පු සංකීර්ණ අද (06) උදෑසන 08.30 සිට පස්වරු 3.30 දක්වා විවෘත කෙරෙන අතර පැමිණීමට පෙර ගුවන්තොටුපොළ වෙත දුරකථන ඇමතුමක් ලබාදී දිනයක් සහ වේලාවක් වෙන්කරගත යුතු බව ද එම ආරංචි මාර්ග තවදුරටත් අනාවරණය කරයි.
ඒ අනුව භාණ්ඩ මිලදී ගැනීමට පැමිණීමේදී තමන් නිරෝධානය වු බවට අදාළ නිරෝධායන මධ්‍යස්ථානය විසින් ලබාදෙන ලද සහතිකය හෝ තමන් ස්වයං නිරෝධායනයට ලක්වු බවට ප්‍රදේශයේ මහජන සෞඛ්‍ය පරීක්ෂකවරයා විසින් ලබාදෙන ලද සහතිකය ඉදිරිපත් කළ යුතුය.
