සංවිධානාත්මක අපරාධ කල්ලි සාමාජික “බැබුන්” STF දැලේ..
ඝාතන සිදුවීම් කිහිපයකට සම්බන්ධ සැකකරුවෙකු වන සංවිධානාත්මක අපරාධ කල්ලි සාමාජික ක්‍රිෂාන් නිලංග දාබරේ නොහොත් “බැබුන්” නැමැත්තා හෙරොයින් සමඟ අත්අඩංගුවට පත්ව ඇති බව වාර්තා වේ. පොලිස් විශේෂ කාර්ය බලකාය විසින් ඊයේ (06) රාත්‍රි කාලයේ අතුරුගිරිය ප්‍රදේශයේ සිදුකළ මෙහෙයුම දී මෙම සැකකරු අත්අඩංගුවට ගෙන තිබේ. 26 හැවිරිදි ග්‍රමෝදයගම, අතුරුගිරිය ප්‍රදේශයේ පදිංචිකරුවෙකු වන මෙම සැකකරු අද (07) කඩුවෙල මහෙස්ත්‍රාත් අධිකරණයට ඉදිරිපත් කිරීමට නියමිත බව පොලිස් ආරංචි මාර්ග අනාවරණය කර සිටියි.
