අමාත්‍යාංශවල අතිරේක ලේකම්වරු, ජ්‍යෙෂ්ඨ සහකාර ලේකම්වරු සහ මැතිවරණ කොමිසම අතර සාකච්ඡාවක්..
අමාත්‍යාංශවල අතිරේක ලේකම්වරු, ජ්‍යෙෂ්ඨ සහකාර ලේකම්වරු සහ මැතිවරණ කොමිෂන් සභාව අතර අද (07) පෙරවරු 10.00 ට විශේෂ සාකච්ඡාවක් පැවැත්වීමට නියමිතව ඇති බව වාර්තා වේ. ඒ අනුව අදාළ ලේකම්වරුන් මැතිවරණ මහලේකම් කාර්යාලයට කැඳවා තිබෙන අතර රාජ්‍ය දේපළ අවභාවිතා කිරීමේ සිදුවීම් සම්බන්ධයෙන් පැමිණිලි කිහිපයක් ලැබී ඇති බැවින් ඒ පිළිබඳ සාකච්ඡා කිරීමේ අරමුණ ඇතිව මෙම සාකච්ඡාව පැවැත්වෙන බව මැතිවරණ කොමිෂන් සභාව අනාවරණය කර සිටියි.
