පී.සී.ආර්. පරීක්‍ෂණ ප්‍රතිඵල පැමිණි වැලිකඩ බන්ධනාගාරයේ රැඳවියන්ට කෙරෝනා අසාදනය වී නෑ..
මෙතෙක් සිදුකරන ලද පී.සී.ආර්. පරීක්‍ෂණ මඟින් වැලිකඩ බන්ධනාගාරයේ රැඳවියන් හට කොරෝනා වෛරසය වැළඳී නොමැති බව සෞඛ්‍ය ආරංචි මාර්ග අනාවරණය කර සිටියි. ඒ අනුව රැඳවියන් 310 ක් ඊයේ (07) දිනයේදී පී.සී.ආර්. පරීක්‍ෂණ සඳහා යොමු කර ඇති අතර ඉන් මේ වනවිට රැඳවියන් 210 කගේ ප්‍රතිඵල ලැබි ඇති අතර එම කිසිදු රැඳවියෙකුට වෛරසය වැළඳී නොමැති බව ද එම ආරංචි මාර්ග සඳහන් කරයි. මේ වනවිට වැලිකඩ බන්ධනාගාරයේ රැඳවියන් 186 දෙනෙකු පුනානිහි පිහිටි නිරෝධායන මධ්‍යස්ථානයකට යොමු කර ඇති අතර නිලධාරින් 07 දෙනෙකු ද නිරෝධායන කටයුතු සඳහා යොමු කර තිබේ. ඊයේ දිනයේදී හඳුනාගන්නා ලද කොරෝනා ආසාදිතයා කන්දකාඩු පුනරුත්ථාපන කඳවුරේ සිට වැලිකඩ බන්ධනාගාරයට පැමිණි අයෙකු වන අතර ඒ අනුව කන්දකාඩු පුනරුත්ථාපන මධ්‍යස්ථානේ සිටි සියළුදෙනාම පී.සී.ආර් පරික්ෂණ සඳහා යොමු කිරිමට ද කටයුතු යොදා ඇත.
