වාහන මිල ගණන් ඉහළ යයි..
මෙරට වාහන මිල ගණන් සීඝ්ර ලෙස ඉහළ යමින් තිබෙන බව ලංකා වාහන ආනයනකරුවන්ගේ සංගමය පවසයි. පසුගිය මාස 06 ක පමණ කාලය තුළ වාහන ආනයනය කිරීම රජය විසින් අත්හිටුවීමට තීරණය කිරීම නිසා මේ වනවිට මෙරටට ආනයනය කර ඇති වාහනවලින් 90% ක් පමණ අලෙවි වී අවසන් බැවින් පවතින වාහනවල ඉල්ලුම වැඩිවීමෙන් ඒවායේ මිල ගණන් ඉහළ ගොස් ඇති බව ද එම සංගමය වැඩිදුරටත් පවසා සිටියි. මෙම තත්ත්වය හේතුවෙන් රට තුළ ඇති ලියාපදිංචි කළ වාහනවල මිළ ගණන් ද විශාල ලෙස ඉහළ ගොස් ඇති බව ද ලංකා වාහන ආනයනකරුවන්ගේ සංගමය වැඩිදුරටත් අනාවරණය කරයි.