මිනුවන්ගොඩ සහ පෑලියගොඩ කොවිඩ් පොකුර 6000 පසු කරයි ..
මිනුවන්ගොඩ සහ පෑලියගොඩ කොවිඩ් පොකුරෙන් වාර්තා වූ සමස්ථ ආසාදිතයින් සංඛ්යාව 6,145 දක්වා ඉහළ ගොස් ඇති බව වාර්තා වේ.ඊයේ (29) දිනය තුළ පමණක් ආසාදිතයින් 586 දෙනෙකු හඳුනාටගන ඇති අතර ඔවුන්ගෙන් 115 දෙනෙකු නිරෝධායන මධ්යස්ථානවලින් හඳුනාගෙන ඇති බව රජයේ ප්රවෘත්ති දෙපාර්තමේන්තුව පවසයි. ආසාදිතයින් 467 දෙනෙකු පෑලියගොඩ මත්ස්ය වෙළෙඳසැළ සහ ධීවර වරායන් ආශ්රිතව හඳුනාගෙන ඇත. ඉන් 50 දෙනෙකු මීගමුව ධීවර වරාය ආශ්රිතව හඳුනාගෙන ඇති බව යුද හමුදාපති ලුතිනන් ජෙනරාල් ශවේන්ද්ර සිල්වා මහතා සඳහන් කරයි. විදේශයන්හි සිට පැමිණි ශ්රී ලාංකිකයෙකු සහ ඉන්දුනීසියානු නාවිකයින් තිදෙනෙකු ආසාදිතයින් බවට ඊයේ හඳුනාගෙන ඇත. ඒ අනුව මෙරට සමස්ථ ආසාදිතයින් සංඛ්යාව 9,791 දක්වා ඉහළ ගොස් ඇත. ඔවුන්ගෙන් 5,630 දෙනෙකු රෝහල්වල ප්රතිකාර ලබන බව වසංගත රෝග විද්යා අංශය පවසයි.