අද සහ හෙට දෙදින තුළ ලංගම සියළු බස්රථ ධාවනයේ යෙදවීමට තීරණය කෙරේ..
මගී දුම්රිය ධාවනය නොකිරීම හේතුවෙන් ජනතාවගේ පහසුව වෙනුවෙන් අද (21) සහ හෙට (22) යන දිනයන් තුළදී සියලු බස්රථ ධාවනය කරවීමට පියවර ගෙන ඇතැයි ශ්‍රී ලංකා ගමනාගමන මණ්ඩලය පවසා සිටියි. ඒ අනුව දුරගමන් සේවාද ක්‍රියාත්මක කෙරෙන බවත් මේ වනවිට හුදකලා කර තිබෙන ප්‍රදේශ තුළදී මගීන් නංවා ගැනීම හෝ බැස්සවීම සිදුනොකරෙන බවත් ශ්‍රී ලංකා ගමනාගමන මණ්ඩලය පවසා සිටියි.
