අයවැය දෙවන වර කියවීමේ ඡන්ද විමසීම අද..
මුදල් අමාත්‍ය, අග්‍රාමාත්‍ය මහින්ද රාජපක්ෂ මහතා විසින් පසුගිය 17 වනදා පාර්ලිමේන්තුවට ඉදිරිපත් කරන ලද 2021 වසර සඳහා වන අයවැයෙහි දෙවන වර කියවීමේ ඡන්ද විමසීම අද (21) පැවැත්වීමට නියමිතව ඇත. අයවැය ඉදිරිපත් කිරීමෙන් පසු දෙවන වර කියවීමේ විවාදය අද දිනය දක්වා සිදුවූ අතර අද සවස 05.00 ට දෙවන වර කියවීමේ ජන්ද විමසීම පැවැත්වේ. අයවැය කරක සභා අවස්ථාව හෙවත් තෙවනවර කියවීම 23 වනදා සිට දෙසැම්බර් මස 10 තෙක් පැවැත්වන අතර දෙසැම්බර් 10 වන දින පස්වරු 05.00 ට අයවැය තුන්වන වර කියවීමේ ඡන්ද විමසීම පැවැත්වෙන බව පාර්ලිමේන්තු ආරංචි මාර්ග පවසා සිටියි.
