ඊයේ කොරෝනා මරණ 09 යි, මුළු මරණ ගණන 83 ක් තෙක් ඉහළට..
ඊයේ (21) දිනයේදී කොරෝනා මරණ 09 ක් වාර්තා වී ඇති බව සෞඛ්‍ය අමාත්‍යංශ ආරංචි මාර්ග අනාවරණය කර සිටියි. මෙම මරණ 09 ත් සමඟ මේ දක්වා මෙරටින් වාර්තා වන කොරෝනා මරණ සංඛ්‍යාව 83 ක් තෙක් ඉහළ ගොස් ඇත. කොළඹ 02 ප්‍රදේශයේ පදිංචිව සිටි 57 හැවිරිදි පිරිමි පුද්ගලයෙකු, වැල්ලම්පිටිය ප්‍රදේශයේ පදිංචිව සිටි 65 හැවිරිදි පිරිමි පුද්ගලයෙකු, දෙමටගොඩ ප්‍රදේශයේ පදිංචිව සිටි 89 හැවිරිදි පිරිමි පුද්ගලයෙකු, කොළඹ 10 ප්‍රදේශයේ පදිංචිව සිටි 48 හැවිරිදි කාන්තාවක්, කොළඹ 10 ප්‍රදේශයේ පදිංචිව සිටි 72 හැවිරිදි පිරිමි පුද්ගලයෙකු, කොළඹ 13 ප්‍රදේශයේ පදිංචිව සිටි 69 හැවිරිදි කාන්තාවක්, වැල්ලවත්ත ප්‍රදේශයේ පදිංචිව සිටි 76 හැවිරිදි පිරිමි පුද්ගලයෙකු, වැල්ලම්පිටිය ප්‍රදේශයේ පදිංචිව සිටි 75 හැවිරිදි කාන්තාවක් සහ 76 හැවිරිදි කාන්තාවක් මෙසේ මියගොස් ඇත.
