පෙර පාසැල් සහ පාසල්වල ප්‍රාථමික ශ්‍රේණි ආරම්භ කිරීමේ සැළසුමක් සකස් කිරීමට අවධානය..
පෙර පාසැල් සහ පාසල්වල ප්‍රාථමික ශ්‍රේණි ආරම්භ කිරීමේ සැළසුමක් සකස් කිරීම සඳහා අවධානය යොමුව ඇතැයි අධ්‍යාපන රාජ්‍ය අමාත්‍ය පියල් නිශාන්ත මහතා පවසා සිටියි. ඒ අනුව කොරෝනා අවදානමක් නොමැති ප්‍රදේශ තුළ පිහිටා ඇති පෙර පාසැල් සහ පාසැල්වල ප්‍රාථමික ශ්‍රේණි ආරම්භ කිරීම සඳහා සෞඛ්‍ය අංශ සහ අධ්‍යාපන බලධාරීන් සමග සාකච්ඡා කර සෞඛ්‍ය මාර්ගෝපදේශයන්ට අනුව ජාතික වැඩපිළිවෙලක් සකස් කිරිමට බලාපොරොත්තු වන බවද අමාත්‍යවරයා වැඩිදුරටත් පවසයි.
