ශ්‍රී පාද සමය හෙට (29) දින සිට ඇරඹේ…
මෙවර ශ්‍රී පාද සමය හෙට (29) දින ආරම්භ වන බව ශ්‍රී පාදස්ථානාධිපති අතිපූජ්‍ය බෙංගමුවේ ධම්මදින්න මහ නායක හිමියෝ පැවසූහ. ඊයේ (27) දින පැල්මඩුල්ල ගල්පොත්තාවෙල ශ්‍රී පාද විහාරස්ථනයේ දී සමන්දේව ප්‍රතිමාව ඇතුළු සධාතුක කරඩු බැතිමතුන්ගේ වන්දනා මානය සඳහා පිටතට වැඩමවු අතර ශ්‍රී පාද සමය අවසන් වූ පසු සමන් දේව ප්‍රතිමාව සහ දේවාභරණ ශ්‍රී පාදස්ථානයේ සිට පැල්මඩුල්ල ගල්පොත්තාවෙල ශ්‍රී පාද විහාරස්ථනයේ පිහිටි විශේෂ කුටියක තැන්පත් කෙරෙනු ඇත.
මෙවර ශ්‍රී පාද සමය රාජ්‍ය උත්සවයක් ලෙස පැවැත්වෙන ප්‍රථම අවස්ථාව ද මෙය බව බෙංගමුවේ ධම්මදින්න මහ නායක හිමියෝ පැවසූහ.
