කෘෂි නිෂ්පාදන ප්‍රවාහනය කිරීමට දුම්රිය සේවාවක් ..
කෘෂි නිෂ්පාදන ප්‍රවාහනය කිරීම සඳහා දුම්රිය සේවය යොදාගැනීමට සැලසුම් කර ඇති බව කෘෂිකර්ම අමාත්‍ය මහින්දානන්ද අලුත්ගමගේ මහතා පවසයි. ඔහු සඳහන් කරන ලද්දේ එළවළු, පලතුරු හා පොහොර දිවයින පුරා බෙදාහැරීමට ගතවන කාලය හා පිරිවැය පිළිබඳ අවධානය යොමුකරමින් දුම්රිය මඟින් ප්‍රවාහන කටයුතු සිදුකිරීමට අපේක්ෂා කරන බවයි. වත්මන් ආණ්ඩුව දුම්රියෙන් එළවළු, පොහොර, පලතුරු ප්‍රවාහනය කරන්න අවශ්‍ය කටයුතු සිදුකරමින් සිටින බවත් ඒ පිළිබඳව සාකච්ඡා වට ගණනාවක් මේ වන විට පවැත්වීමට කටයුතු කර ඇති බව අමාත්‍යවරයා පවසයි. දුම්රියෙන් අදාළ කටයුතු සිදුකළහොත් විශාල මුල්‍ය ඉතිරියක් සිදුකරගත ගන්න පුළුවන් යැයි අමාත්‍යවරයා පවසයි. ඒ වෙනුවෙන් ‘ලොජිස්ටික් ට්‍රේන්‘ එකක් යෙදවීමට බලාපොරොත්තු වන බව අමාත්‍යවරයා මෙහිදි සඳහන් කරන ලදී.
