බස්නාහිර සහ හුදකලා ප්රදේශ හැර අනෙකුත් පාසල් හෙට සිට විවෘතයි..
බස්නාහිර පළාත තුළ සහ මේ වනවිට හුදකලා කර තිබෙන ප්රදේශ හැර දිවයිනේ අනෙකුත් ප්රදේශවල පාසල් හෙට (11) දිනයේ සිට ආරම්භ වීමට නියමිතව ඇතැයි අධ්යාපන අමාත්යාංශය අනාවරණය කර සිටියි. අදාළ පාසල් තුළ 02 වසරේ සිට 13 වන වසර දක්වා වන ශ්රේණිවල අධ්යයන කටයුතු ඒ අනුව හෙට සිට ආරම්භ වනු ඇත. සෞඛ්ය මාර්ගෝපදේශ අනුව අදාළ කටයුතු සිදුකෙරෙන බවද අධ්යාපන අමාත්යාංශ ආරංචි මාර්ග වැඩිදුරටත් පවසා සිටියි. කෙසේවෙතත් පවතින තත්ත්වයේ අවදානම්කාරී බව නිසා වව්නියාව නගරයේ පාසල් හෙට දිනයේදී ආරම්භ නොකරන බවද එම ආරංචි මාර්ග තවදුරටත් පවසා සිටියි.