ඊයේ කොවිඩ් ආසාදිත මරණ 08 ක් වාර්තා වෙයි. සමස්තය 240 ක් දක්වා ඉහළට..
ඊයේ (11) දිනය තුළ වාර්තාවූ කොවිඩ් ආසාදිත මරණ 08 ත් සමඟ මෙරටින් වාර්තා වන සමස්ත කොවිඩ් ආසාදිත මරණ සංඛ්‍යාව 240 ක් දක්වා ඉහළ යන ලදී. 52 හැවිරිදි වැලිකඩ බන්ධනාගාරයේ පිරිමි රැඳවියකු, 61 හැවිරිදි රාජගිරියේ පදිංචිව සිටි පිරිමි පුද්ගලයෙකු, මට්ටක්කුලිය ප්‍රදේශයේ පදිංචිව සිටි 45 හැවිරිදි පිරිමි පුද්ගලයෙකු, කොළඹ 12 පදිංචිව සිටි 36 හැවිරිදි කාන්තාවක්, කොළඹ 14 පදිංචිව සිටි 51 හැවිරිදි පිරිමි පුද්ගලයෙකු, බණ්ඩාරගම පදිංචිව සිටි 70 හැවිරිදි කාන්තාවක්, දකුණු කළුතර පදිංචිව සිටි 67 හැවිරිදි පිරිමි පුද්ගලයෙකු සහ කාත්තන්කුඩි පදිංචිව සිටි 57 හැවිරිදි පිරිමි පුද්ගලයෙකු මෙසේ මියගොස් තිබේ.
