එ.ජා.ප මහලේකම් ලෙස පාලිත රංගෙ බණ්ඩාර මහතාව කෘත්යාධිකාරී මණ්ඩලය තීරණය කරයි…
එක්සත් ජාතික පක්ෂයේ පැවති පුරප්පාඩු තනතුරු සඳහා නව නිලධාරී මණ්ඩලයක් පත් කර ගැනීම සඳහා ඊයේ (13) දින පක්ෂ නායක රනිල් වික්රමසිංහ මහතාගේ ප්රධානත්වයෙන් කෘත්යාධිකාරී මණ්ඩලය පවත්වා ඇත. මෙම සාකච්ඡාව සඳහා හිටපු පාර්ලිමේන්තු මන්ත්රිවරුන් 28 දෙනෙකු පමණ සහභාගී වී ඇති අතර එහිදී පක්ෂ මහලේකම් ලෙස කටයුතු කළ ශමල් සෙනරත් මහතා ඉවත් කර ඒ සඳහා පාලිත රංගෙ බණ්ඩාර මහතාව පත්කර ඇති අතර සභාපති තනතුර සඳහා වජිර අබේවර්ධන, උප නායක අකිල විරාජ් කාරියවසම් සහ ජ්යෙෂ්ඨ උප සභාපති ඩී.එම් ස්වාමිනාදන් යන මහත්වරුන් තේරී පත්වී ඇත. එහිදී පක්ෂ නායක, නියෝජ්ය නායක යන තනතුරු වල කිසිදු වෙනසක් සිදු නොවී ඇත.