ශානි අබේසේකර පළමු වරට පාස්කු කොමිසම හමුවට..
බන්ධනාගාරගතව සිටින අපරාධ පරීක්ෂණ දෙපාර්තමේන්තුවේ හිටපු අධ්යක්ෂ ජ්යෙෂ්ඨ පොලිස් අධිකාරී ශානි අබේසේකර මහතා අද (19) පාස්කු ප්රහාරය පිළිබඳව විමර්ශන සිදුකරන ජනාධිපති කොමිෂන් සභාව හමුවේ පෙනීසිටීමට නියමිතව ඇති බව වාර්තා වේ. ඒ මහතා මෙම කොමිෂන් සභාව හමුවේ සාක්ෂි ලබාදෙන්නේ පළමු වරට වන අතර මෙම කොමිසම හමුවේ සාක්ෂි ලබාදෙන අවසන් සාක්ෂිකරුද ශානි අබේසේකර මහතා විය හැකි යැයි එම ආරංචි මාර්ග පවසයි. පාස්කු ප්රහාරය පිළිබඳව විමර්ශන සිදුකරන ජනාධිපති කොමිෂන් සභාව 2021 වසරේ පළමු වරට රැස්වන්නේ අද දිනයේදී වන අතර කොමිසමෙහි නිල කාලය මෙම 31 වනදායින් අවසන් වීමට නියමිතව තිබේ.