බස්නාහිර පාසල් අ.පො.ස සා.පෙළ සිසුන්ට හෙට සිට විවෘත වේ..
හුදකලා කෙරුණු ප්රදේශ හැර බස්නාහිර පළාත තුළ ද හෙට (25) සිට අපොස සාමාන්ය පෙළ සිසුන් සඳහා පාසල් විවෘත වීමට නියමිතව ඇති බව වාර්තා වේ.අධ්යාපන අමාත්යාංශයේ ලේකම් මහාචාර්ය කපිල පෙරේරා මහතා සඳහන් කළේ සාමාන්ය පෙළ විභාගයට මුහුණ දෙන සිසුන් වෙනුවෙන් බස්නාහිර පළාතේ පාසල් 907 ක් හෙට සිට ආරම්භ කිරීමට කටයුතු කර ඇති බවයි. හෙට සිට බස්නාහිර පළාත හැර සෙසු ප්රදේශවල උපකාරක පන්ති පැවැත්වීමට ද අවසර හිමිවී ඇත. සෞඛ්ය සේවා අධ්යක්ෂ ජනරාල් වෛද්ය අසේල ගුණවර්ධන මහතා ප්රකාශ කරන ලද්කදේ සෙසු ප්රදේශවල උපකාරක පන්ති නියමකර ඇති සෞඛ්ය මාර්ගෝපදේශ අනුගමනය කරමින් පැවැත්වීමට අවසර ලබා දී ඇති බවය.කෙසේවෙතත් බස්නාහිර පළාතේ උපකාරක පන්ති ආරම්භ කිරීම තවදුරටත් ප්රමාද වන බව ඔහු සඳහන් කරන ලදී. උපකාරක පන්ති පැවැත්වීමට අදාළ කරුණු ඇතුළත් චක්රලේඛය පසුගිය 16 වනදා නිකුත් කරන ලදී. ඒ අනුව උපකාරක පන්තියකට සහභාගී කරගත හැක්කේ අසුන් ගැනීමට තිබෙන ආසන සංඛ්යාවෙන් සියයට 50ක ප්රමාණයක් හෝ උපරිම ළමුන් 100 දෙනෙකු දක්වා පමණක් බව අදාළ චක්රලේඛයෙන් නිර්දේශ කර ඇත.