ශ්රී ලංකා – එංගලන්ත දෙවන ටෙස්ට් තරගයේ සිව්වන දිනය අදයි..
සංචාරක එංගලන්ත කණ්ඩායම සහ ශ්රී ලංකා කණ්ඩායම අතර පැවැත්වෙන දෙවන ටෙස්ට් ක්රිකට් තරගයේ සිව්වන දිනය අද (25) යි. ඊයේ (24) තෙවන දිනය නිමා වනවිට එංගලන්ත කණ්ඩායම සිය පළමු ඉනිම සඳහා කඩුළු 09 ක් දැවී ලකුණු 339 ක් රැස්කර ගනිමින් ශ්රී ලංකාවට වඩා තවත් ලකුණු 42 ක් පිටුපසින් සිටියි.
සිය පළමු ඉනිම සඳහා ශ්රී ලංකාව ලකුණු 381 ක් රැස්කර ගන්නා ලද අතර ශ්රී ලංකාව වෙනුවෙන් කඩුළු 07 ක් දවාගත් ලසිත් ඇඹුල්දෙණිය විශිෂ්ඨ පන්දු යැවීමක නිරත විය. එම දැවීයාම් 07 න් 05 ක උඩ පන්දු රැකගැනීමට ලහිරු තිරිමාන්න සමත්වූ අතර ටෙස්ට් තරගයකදී එසේ උඩපන්දු 05 ක් රැකගත් පළමු ශ්රී ලංකා ක්රීඩකයා බවට ලහිරු තීරිමාන්න පත්විය.