මීටියාගොඩ අමානුෂික ඝාතනය, ප්‍රධාන සැකකරුවන් 04 ක් අත්අඩංගුවට..
පසුගියදා මීටියාගොඩ ඉන්ධන පිරවුම්හල අසලදී තියුණු ආයුධවලින් පහරදී පුද්ගලයෙකු ඝාතනය කිරීමේ සිදුවීම සම්බන්ධයෙන් සැකකරුවන් 04 දෙනෙකු මීටියාගොඩ පොලිස්ථානය විසින් අත්අඩංගුවට ගෙන ඇති බව වාර්තා වේ. සැකකරුවන් 04 දෙනා මීටියාගොඩ පොලිස් ස්ථානය වෙත ඉදිරිපත්වීමෙන් අනතුරුව මෙසේ අත්අඩංගුවට ගෙන ඇත. ඝාතනය සිදුකිරීමට පැමිණීම සඳහා යොදාගන්නා ලද යතුරුපැදි 02 ක්, ඝාතනයට උපයෝගී කරගන්නා ලද උල් පිහි 02 ක්, කඩුවක් සහ මන්නා පිහියක් ද පොලීස් භාරයට ගෙන ඇත. වයස අවුරුදු 24 ත් 32 ත් අතර වන මීටියාගොඩ ප්‍රදේශයේම පදිංචිකරුවන් සිව්දෙනෙකු මෙසේ අත්අඩංගුවට පත්ව ඇති අතර ඔවුන් අද (27) අධිකරණය හමුවට ඉදිරිපත් කිරීමට නියමිතව ඇත.
