නිදහස් උළෙල වෙනුවෙන් වාහන ගමනාගමනයට සීමා..
කොළඹ නිදහස් චතුරශ්‍ර පරිශ්‍රය ආශ්‍රිතව පැවැත්වීමට නියමිත 73 වන නිදහස් දින උළෙලෙහි පෙරහුරු පවත්වනු ලබන දිනයන්වල සහ නිදහස් දින උළෙල පැවැත්වෙන පෙබරවාරි 04 වනදා ඒ ආශ්‍රිත ප්‍රදේශවල වාහන ගමනාගමනය සීමාකෙරෙන බව පොලිසිය පවසා සිටියි. ඒ අනුව නිදහස් දින උළෙලෙහි පෙරහුරු පැවැත්වෙන ජනවාරි 30, 31 සහ පෙබරවාරි 1,2,3 යන දිනයන් වලදී පෙරවරු 06.00 සිට දහවල් 01.00 දක්වා කාලය තුළත් නිදහස් දින සැමරුම පැවැත්වෙන 04 වනදා පෙරවරු 04.00 සිට දහවල් 01.00 දක්වා කාලය තුළත් කොළඹ නිදහස් චතුරශ්‍රය, නිදහස් මාවත සහ ඒ ආශ්‍රිත ප්‍රදේශවල වාහන ගමනාගමනය සීමා කෙරෙන බවද එම ආරංචි මාර්ග තවදුරටත් පවසා සිටියි.
