පාස්කු ප්‍රහාරය පිළිබඳ අවසන් වාර්තාව ගැන සාකච්ඡා කරන්න විශේෂ කැබිනට් මණ්ඩල රැස්වීමක්..
පාස්කු ප්‍රහාරය සම්බන්ධයෙන් විමර්ශනය කිරීම සඳහා පත්කරන ලද ජනාධිපති කොමිෂන් සභාවේ අවසන් වාර්තාව පිළිබද සාකච්ඡා කිරීම සඳහා විශේෂ කැබිනට් මණ්ඩල රැස්වීමක් පැවැත්වීමට තීරණය කර ඇතැයි රජයේ ආරංචි මාර්ග පවසා සිටියි. පාස්කු ඉරුදින ප්‍රහාරය සම්බන්ධයෙන් විමර්ශන කිරීම සඳහා පත්කරන ලද ජනාධිපති කොමිෂන් සභාව විසින් එම කොමිසමේ අවසන් වාර්තාව පසුගියදා ජනාධිපතිවරයා වෙත ඉදිරිපත් කරන ලද අතර ජනාධිපති ගෝඨාභය රාජපක්‍ෂ මහතා විසින් එම වාර්තාව අධ්‍යයනය කර අදාළ සුදුසු පියවර ගැනීම සඳහා නීතිපතිවරයා වෙත යොමු කෙරෙනු ඇත. මෙම කොමිෂන් සභාවේ පළමු අතුරු වාර්තාව 2019 දෙසැම්බර් මස 20 වනදාත් දෙවන අතුරු වාර්තාව 2020 මාර්තු මස 02 වනදාත් ජනාධිපතිවරයා වෙත භාරදෙන ලදී.
