බන්ධනාගාර ආශ්රිත රාජකාරී සඳහා පොලිස් විශේෂ කාර්යය බළකාය යළි කැඳවයි..
බන්ධනාගාර ආශ්රිත රාජකාරී සඳහා පොලිස් විශේෂ කාර්යය බළකාය යළි කැඳවීමට තීරණය කර ඇතැයි බන්ධානාගාර දෙපාර්තමේන්තු ආරංචි මාර්ග අනාවරණය කර සිටියි. කොරෝනා වසංගත තත්ත්වය හමුවේ පොලිස් විශේෂ කාර්යය බළකායේ නිලධාරීන් බන්ධනාගාර රාජකාරී කටයුතුවලින් ඉවත්කිරීමට තීරණය කරන ලද අතර පවතින තත්ත්වය හමුවේ යළි එම නිලධාරීන් බන්ධනාගාර රාජකාරී සඳහා කැඳවීමට තීරණය කර තිබේ. ඒ අනුව එහි මූලික පියවර ලෙස අද සිට කොළඹ වැලිකඩ, කොළඹ රිමාන්ඩ් සහ මැගසින් යන බන්ධනාගාර වල සිරකරුවන් මෙන්ම නිලධාරීන් සොදිසි කිරීම සඳහා පොලිස් විශේෂ කාර්යය බළකායේ නිලධාරීන් යොදවන බව එම ආරංචි මාර්ග තවදුරටත් පවසා සිටියි.