මානව හිමිකම් කවුන්සිලයේ 46 වන සැසිවාරය අදින් ඇරඹේ…
එක්සත් ජාතීන්ගේ මානව හිමිකම් කවුන්සිලයේ 46 වන සැසිවාරය අද (22) ස්විට්සර්ලන්තයේ ජිනීවා නුවරදී ආරම්භවේ. මෙම සැසිය මාර්තු මස 23 වනදා දක්වා පැවැත්වෙන අතර මෙවර කවුන්සිලයේ ප්‍රධාන සැසිවාරය හෙට සිට ලබන 24 වනදා දක්වා පැවැත්වීමට නියමිතව ඇත. රටවල් 130කට වැඩි සංඛ්‍යාවක් නියෝජනය කරන නියෝජිතයින් මේ සඳහා සහභාගීවීමට නියමිත ඇති අතර එක්සත් ජාතීන්ගේ මානව හිමිකම් කොමසාරිස්වරිය විසින් ශ්‍රී ලංකාවට එරෙහිව යෝජනාවක්ද ඉදිරිපත් කර ඇත.
එක්සත් රාජධානිය, කැනඩාව, මොන්ටිනීග්රෝ, උතුරු මැසිඩෝනියාව සහ මලාවි යන රටවල් ඒකාබද්ධව ශ්‍රී ලංකාවට එරෙහිව යෝජනාවක් ගෙනඒමට සැලසුම් කර ඇති බවද වාර්තා වේ.
