ප්‍රදේශ කිහිපයකට වැසි..
දිවයිනේ ප්‍රදේශ කිහිපයක අද (26) පස්වරුවේදී හෝ රාත්‍රී කාලයේදී වැසි ඇතිවිය හැකි බව කාලගුණ විද්‍යා දෙපාර්තමේන්තුව අනාවරණය කර සිටියි. ඒ අනුව දකුණු පළාතේ, රත්නපුර සහ මොණරාගල යන දිස්ත්‍රික්කවල ස්ථාන කිහිපයක වැසි ඇතිවනු ඇතැයි එම ආරංචි මාර්ග පවසයි. දිවයිනේ අනෙකුත් ප්‍රදේශ ආශ්‍රිතව වැසි රහිත කාලගුණ තත්ත්වයක් පැවතිය හැකි බවද කාලගුණ විද්‍යා දෙපාර්තමේන්තු ආරංචි මාර්ග වැඩිදුරටත් සඳහන් කරයි.
