අධිවේගයේ අනාරක්ෂිත ලෙස ධාවනය කළ මෝටර් රථයේ රියදුරු බන්ධනාගාරගත කෙරේ..
සමාජ මාධ්‍ය තුළ ප්‍රචාරය වීමත් සමඟ රට තුළ යම් ආන්දෝලනයක් ඇතිවූ දක්ෂිණ අධිවේගී මාර්ගයේ අනාරක්ෂිත ලෙස ධාවනය කරන ලද මෝටර් රථයේ රියදුරු රක්ෂිත බන්ධනාගාරගත කර ඇති බව වාර්තා වේ. අකුරණ ප්‍රදේශයේ පදිංචි 21 හැවිරිදි අදාළ රියදුරුවරයා අධිවේගී මාර්ග ආරක්ෂණ කොට්ඨාසය විසින් ඊයේ (12) අත්අඩංගුවට ගන්නා ලද අතර සැකකරු පානදුර අධිකරණය වෙත ඉදිරිපත් කිරීමෙන් පසුව ලබන 22 වනදා තෙක් රක්ෂිත බන්ධනාගාර ගත කර ඇත.
