දේශපාලඥයින්ගේ වුවමනාවන් සඳහා ජනතාවගේ සම්පත් යොදා ගැනීම අනුමත කරන්නේ නෑ – සමගි ජන බලවේගය
දේශපාලඥයින්ගේ වුවමනාවන් වෙනුවෙන් මහජනතාවගේ සම්පත් යොදා ගැනීම කිසිදු විටෙක අනුමත නොකරන බව සමගි ජන බලවේගය අවධාරණය කර සිටියි. සමගි ජන බලවේගයේ නායක සජිත් ප්‍රේමදාස මහතා ට්විටර් පණිවිඩයක් මඟින් මේ බව අවධාරණය කර තිබේ. එහි වැඩිදුරටත් සඳහන් කර ඇත්තේ පාර්ලිමේන්තු මන්ත්‍රීවරුන්ට වාහන ලබාදීම සඳහා වන රජයේ යෝජනාව සමගි ජන බලවේගය ප්‍රතික්ෂේප කරන බවයි. එසේ වාහන ගෙන්වීමට වැයකරනු ලබන මුදල් මෙරට ජනතාවට එන්නත් ලබාදීම සඳහා යොදාගන්නැයි ආණ්ඩුවට බලකර සිටින බවද සජිත් ප්‍රේමදාස මහතා සිය ට්විටර් පණිවුඩය මඟින් තවදුරටත් අවධාරණය කර තිබේ.
