වසංගතය හේතුවෙන් පැනවූ සීමා කිහිපයක් ලිහිල් වෙයි..
කොවිඩ් වසංගත තත්ත්වය ව්‍යාප්ත වීම හේතුවෙන් සීමා කරන ලද කටයුතු කිහිපයක එම සීමා ලිහිල් කර ඇති බව වාර්තා වේ. සෞඛ්‍ය සේවා අධ්‍යක්ෂක ජනරාල්වරයා විසින් නිකුත් කර තිබෙන නව සෞඛ්‍ය මාර්ගෝපදේශ මාලාව මඟින් අදාළ සීමා ලිහිල්කර ඇත. ඒ අනුව අද සිට ක්‍රියාත්මක වන පරිදි සත්ව උද්‍යාන, වනජීවී උද්‍යාන, ළමා උද්‍යාන, නවාතැන් ස්ථාන සහ බෝඩින් නිවාස, ඔට්ටු ඇල්ලීමේ මධ්‍යස්ථාන සහ ශාලාවන් තුළ පවත්වන සංගීත සංදර්ශන පැවැත්වීමට අවසර හිමිවේ. එසේ වුවද එළිමහන් සැණකෙළි සහ සංගීත සන්දර්ශන පැවැත්වීමට අවසර ලබාදී නොමැත.
