සාකච්ඡා අසාර්ථකයි, ඔන්ලයින් වර්ජනය අඛණ්ඩව – ලංකා ගුරුසේවා සංගමය
සිය ඉල්ලීම් සඳහා විසඳුම් ලබාගැනීම සම්බන්ධයෙන් බලධාරීන් සමඟ පැවති සාකච්ඡාව අසාර්ථක වීම නිසා සිය වර්ජන ක්‍රියාමාර්ගය අඛණ්ඩව දියත් කරන බව ලංකා ගුරුසේවා සංගමය අවධාරණය කර සිටියි. අධ්‍යාපන අමාත්‍ය මහාචාර්ය ජී.එල් පිරිස් මහතා සහ ගුරු සංගම් නියෝජිතයින් අතර අද (20) පෙරවරුවේ සාකච්ඡාවක් පැවති අතර එය එකඟතාවයකින් තොරව අවසන්වූ බව ලංකා ගුරුසේවා සංගමයේ ප්‍රධාන ලේකම් මහින්ද ජයසිංහ මහතා අවධාරණය කර සිටියි. වැටුප් විෂමතාවය ඉවත් කිරීම ඇතුළු තවත් ගැටළු කිහිපයක් සඳහා විසඳුම් ලබාදෙන ලෙස ඉල්ලා සිටිමින් ගුරු සංගම් රැසක් පසුගිය 12 වනදා සිට ඔන්ලයින් අධ්‍යාපන කටයුතු වලින් ඉවත්විය.
