ගුරු විදුහල්පති වෘත්තීය සමිති අද කොළඹදී විරෝධතාවයක..
සේවා ගැටළු කිහිපයක් මුල්කර ගනිමින් ගුරු විදුහල්පති වෘත්තීය සමිති රැසක සාමාජිකයින් අද (22) කොළඹදී විරෝධතා ව්යාපාරයක් පැවැත්වීමට කටයුතු යොදා ඇති බව වාර්තා වේ. මෙම විරෝධතා ව්යාපාරය කොළඹ කොටුව දුම්රිය පොළ ඉදිරිපිටදී අද (22) පෙරවරුවේ පැවැත්වීමට කටයුතු යොදා ඇත. ඒ අනුව කොටුව දුම්රිය ස්ථානය ඉදිරිපිට විරෝධතා ව්යාපාරය පවත්වා පසුව ජනාධිපති ලේකම් කාර්යාලය දක්වා විරෝධතා පාගමනින් ගමන් කිරීමට නියමිතව ඇති බවද ගුරු විදුහල්පති වෘත්තීය සමිති අනාවරණය කර සිටියි. වැටුප් විෂමතා ගැටළුව ඇතුළු තවත් ගැටළු කිහිපයකට විසඳුම් ලබාදෙන ලෙස ඉල්ලා ගුරු වෘත්තීය සමිති මේ වන විටත් දින 11 ක් පුරා මාර්ගගත ඉගැන්වීම් වලින් ඉවත්ව සිටියි.