රජයේ වෛද්‍ය නිලධාරිහු SAITAM සම්බන්ධව දේශපාලඥයින් දැනුවත් කරති…
මාලඹේ සයිටම් පෞද්ගලික වෛද්‍ය විද්‍යාලය සම්බන්ධයෙන් දේශපාලන පක්ෂ නායකයින් සහ මහජන නියෝජිතයින් දැනුවත් කිරීමට රජයේ වෛද්‍ය නිලධාරීන්ගේ සංගමය තීරණය කර ඇත.එම සංගමයේ මාධ්‍ය ප‍්‍රකාශක වෛද්‍ය සමන්ත ආනන්ද මහතා විසින් සදහන් කර ඇති පරිදි ඊයේ (04) දිනයේ දී රජයේ වෛද්‍ය නිලධාරින්ගේ සංගමය, හිටපු ජනාධිපති මහින්ද රාජපක්ෂ මහතා ඇතුළු විරුද්ධ පක්ෂයේ පිරිසක් හමු වී සාකච්ඡා සිදු කර ඇත.එමෙන්ම හෙට (06) දිනයේ දී සයිටම් ආයතනය සම්බන්ධයෙන් දේශපාලනඥයින් දැනුවත් කිරීමේ වැඩසටහනේ තවත් එක් අදියරක් ලෙස ජනතා විමුක්ති පෙරමුණේ නායක අනුර කුමාර දිසානායක මහතා හමුවී සාකච්ඡා කිරීමට නියමිත බව එම සංගමයේ ලේකම් වෛද්‍ය නවීන් ද සොයිසා මහතා විසින් අවධාරණය කර ඇත.ආණ්ඩුව නියෝජනය කරන දේශපාලන පක්ෂවල නායකයින් සමඟ ද ඉදිරියේ දි මේ සම්බන්ධයෙන් සාකච්ඡා කිරීමට බලාපොරොත්තු වන බව වෛද්‍ය නවීන් ද සොයිසා මහතා තදුරටත් සදහන් කර ඇත.
