ත්‍රිරෝද රථ වලට උපරිම වේග සීමාවක්, මගී ප්‍රවාහන ත්‍රිරෝද රථ වලට මීටර් අනිවාර්යයි..
ත්‍රිරෝද රථ පැදවීම සදහා උපරිම වේග සීමාවක් පැනවීමට කටයුතු කරන බව මාර්ග ආරක්‍ෂාව පිළිබඳ ජාතික සභාව අනාවරණය කර සිටියි. ඒ අනුව අදාළ සීමාව පැයට කිලෝමීටර් 40 ක්‌ ලෙස අනිවාර්ය කර ඉදිරියේදී ගැසට්‌ නිවේදනය නිකුත් කිරීමට කටයුතු කරන බව ද මාර්ග ආරක්‍ෂාව පිළිබඳ ජාතික සභාව වැඩිදුරටත් පවසා සිටියි. ත්‍රිරෝද රථ ධාවනයේදී සිදුවන අනතුරු සහ ඒ තුළින් මියයන සංඛ්‍යාව දිනෙන් දින ඉහළ යාම නිසා මෙම තීරණය ගන්නා අතර මගී ප්‍රවාහන ත්‍රිරෝද රථ සඳහා මීටර් සවිකිරීම අනිවාර්ය කිරීම ද අදාළ ගැසට්‌ නිවේදනය තුළින් සිදුකරන බවද මාර්ග ආරක්‍ෂාව පිළිබඳ ජාතික සභාව තවදුරටත් අනාවරණය කර සිටියි.
