රටේ විදුලි ගැටළු ගැන සොයන්න ජනාධිපති පරීක්ෂණ කොමිසමක් අවශ්‍යයි – පාරිභෝගික අයිතීන් සුරැකීමේ ජාතික ව්‍යාපාරය
මෙරට විදුලි ක්ෂේත්‍රය සම්බන්ධයෙන් මේ වන විට අැතිවී තිබෙන දැඩි ගැටළුකාරී තත්ත්වයන් පිළිබද සොයා බලා විසදුම් ලබා දීම සදහා ජනාධිපති පරීක්ෂණ කොමිසමක අවශ්‍යතාවය දැඩිව මතුව අැති බව පාරිභෝගික අයිතීන් සුරැකීමේ ජාතික ව්‍යාපාරය සදහන් කර සිටියි. නිවේදනයක් නිකුත් කරමින් කරමින් පාරිභෝගික අයිතීන් සුරැකීමේ ජාතික ව්‍යාපාරයේ සභාපති රංජිත් විතානගේ මහතා පවසා සිටින්නේ වැඩිමිලට පුද්ගලික බලාගාර වලින් විදුලිය මිලදී ගැනීම, අසීමිත ලෙස සේවක වැටුප් ඉහළ දැමීම, මණ්ඩලයේ පවතින දැවැන්ත දූෂණ සහ වංචා අාදී ගැටළු නිසා විදුලි පාරිභෝගිකයින් දැඩි පීඩාවකට පත්ව අැති බවයි. මේ හේතුවෙන් විදුලි ක්ෂේත්‍රය සම්බන්ධයෙන් අැතිවී තිබෙන දැඩි ගැටළුකාරී තත්ත්වයන් පිළිබද සොයා බැලීමට ජනාධිපති පරීක්ෂණ කොමිසමක් පත්කරන ලෙස ජනාධිපතිවරයාගෙන් ඉල්ලා සිටින බව ද මෙම නිවේදනය තුළ වැඩිදුරටත් සදහන්ය.
