18 ට අඩු දරුවන්ට රිය පදවන්න ඉඩ දෙන වැඩිහිටියන්ට එරෙහිව නව නීති..
වයස අවුරුදු 18 ට අඩු දරුවන් රිය පැදවීම නිසා සිදුවන අනතුරු වල ඉහළ යෑමක් දක්නට ලැබෙන බැවින් එම වයසේ දරුවන්ට රථ වාහන පැදවීම සදහා අවස්‌ථාව ලබාදෙන වැඩිහිටියන්ට එරෙහිව නීති සකස් කිරීම සදහා අවධානය යොමුව ඇතැයි මාර්ග ආරක්‌ෂාව පිළිබඳ ජාතික සභාව පවසා සිටියි. වයස අවුරුදු 18 ට අඩු දරුවන් රථ වාහන ධාවනය කිරීම දැඩි අවදානම් තත්ත්වයක් බවත් දෙමව්පියන් ඇතුළු වැඩිහිටියන් මේ සම්බන්ධයෙන් අවධානය යොමු කළයුතුව ඇති බවත් මාර්ග ආරක්‌ෂාව පිළිබඳ ජාතික සභාව වැඩිදුරටත් අවධාරණය කර සිටියි.
