“සයිටම්” ගැන එකගවූ රාජ්‍ය ස්ථාවරයේ හරයන් ශ්‍රේෂ්ඨාධිකරණයට ලබා දෙන්න – රජයේ වෛද්‍ය නිලධාරීන්ගේ සංගමය
මාලඹේ “සයිටම්” අර්බුදය සම්බන්ධයෙන් රාජ්‍ය ස්ථාවරයේ හරයන් එකගවූ පරිදි ශ්‍රේෂ්ඨාධිකරණයට ලබා දෙන ලෙස නීතිපතිවරයාට උපදෙස් ලබා දෙන්නැයි රජයේ වෛද්‍ය නිලධාරීන්ගේ සංගමය විසින් ජනාධිපතිවරයාගෙන් ඉල්ලා සිටියි. ජනාධිපතිවරයාට ලිපියක් යොමු කරමින් එම සංගමය විසින් මෙම ඉල්ලීම සිදු කර ඇති අතර සංජය රාජරත්නම් නම් නීතිපති දෙපාර්තමේන්තුවේ නිලධාරියෙකු විසින් ඊයේ (28) ශ්‍රේෂ්ඨාධිකරණයේ අදළ නඩුව විභාගයට ගත් අවස්ථාවේ දී ප්‍රකාශ කර ඇත්තේ රාජ්‍ය ස්ථාවරයේ හරයන් සදහා එකගවූ ආකාරයට නොවන බවත් මෙම නිවේදනයෙහි තවදුරටත් සදහන්ය.
