ඒකාබද්ධ විපක්ෂය මැතිවරණවලදී වෙනම තරඟ කිරීම ස්ථීරයි – කුමාර වෙල්ගම
ඒකාබද්ධ විපක්ෂය ඉදිරි මැතිවරණවලදී වෙනම තරඟ කිරීම ස්ථීර බව පාර්ලිමේන්තු මන්ත්‍රී කුමාර වෙල්ගම මහතා පවසයි. ඒ මහතා වැඩිදුරටත් පවසා සිටින්නේ පසුගිය මැතිවරණයේ දී රැවටීමට ලක්වූ බැවින් ශ්‍රී ලංකා නිදහස් පක්ෂය සමඟ එක්ව තරඟ කිරීමට සාකච්ඡා නොකළ බවයි. ශ්‍රී ලංකා නිදහස් පක්ෂයේ සංවිධායක ධූරයෙන් ඉවත් කිරීම සම්බන්ධයෙන් ද වෙල්ගම මන්ත්‍රීවරයා අදහස් පළ කර සිටින අතර පක්ෂය වෙනුවෙන් කටයුතු කරන පුද්ගලයින් පක්ෂයෙන් ඉවත් කිරීමට වත්මන් පක්ෂ බලධාරින් කටයුතු කරමින් සිටින බවය.
