කොප්පරා, තලපත් හැර අනෙකුත් මසුන් සහ ටින් මාළු ආනයනය තාවකාලිකව අත්හිටුවයි..?
මසුන් වර්ග දෙකක් හැර අනෙකුත් මත්ස්‍ය වර්ග සහ ටින් මාළු ආනයනය කිරීම තාවකාලිකව අත්හිටුවන්නැයි ධීවර අමාත්‍යංශය, මුදල් අමාත්‍යංශයෙන් ඉල්ලීමක් කර ඇති බව වාර්තා වේ. එ් අනුව කොප්පරා සහ තලපත් යන මත්ස්‍ය වර්ග දෙක හැර අනෙකුත් මත්ස්‍ය වර්ග සහ ටින් මාළු ආනයනය කිරීම තාවකාලිකව අත්හිටුවන්න ලෙස ඉල්ලා සිටිමින් ධීවර අමාත්‍යංශය විසින් මෙම ඉල්ලීම කර ඇත. මේ වන විට පවතින කාලගුණ තත්ත්වය අනුව මෙරට මුහුදු සීමාව තුළින් නෙළාගත හැකි මාළු අස්වැන්න ඉහළ ගොස් ඇති බැවින් මාළු මිල ගණන් ස්ථාවරව තබා ගැනීම අරමුණු කරගනිමින් මෙම ඉල්ලීම කළ බව ධීවර අමාත්‍යංශය වැඩිදුරටත් පවසා සිටියි.
