කොළඹ – නුවර පාර මාවනැල්ලෙන් වැසේ..
මාවනැල්ල, ගනේතැන්න සිට ගම්පොළ දක්වා මාර්ගයේ අලුත් වැඩියා කටයුතු වසර ගණනාවකින් සිදු වී නොමැති බව පවසමින් කොළඹ – නුවර ප්‍රධාන මාර්ගය හරස් කරමින් ප්‍රෙද්ශවාසීන් විසින් අද (14) දින විරෝධතාවයක් ආරම්භකර ඇත. මෙම විරෝධතාවය හේතුවෙන් කොළඹ – නුවර ප්‍රධාන මාර්ගයේ රථවාහන ගමනාගමනයට දැඩි බාධා එල්ල වී ඇත. විරෝධතාකරුවන් පවසන්නේ මේ සම්බන්ධව අමාත්‍ය කබීර් හෂීම් මහතාවද ලිඛිතව දැනුවත් කර තිබුනද කිසිදු විශදුමක් නොලැබුනු බැවින් අදාල බලධාරීන්රී නිසි විශදුමක් ලබා දෙන තුරු මෙම විරෝධතාවය පවත්වන බවයි.
