ශ්‍රී ලංකාව කඩුළු 04 ට ලකුණු 165 යි..
සංචාරක ශ්‍රී ලංකා කණ්ඩායම සහ ඉන්දීය කණ්ඩායම අතර පළමු ටෙස්ට් ක්‍රිකට් තරඟයේ තෙවන දිනය ඊයේ (18) අවසන් වන විට පළමු ඉනිම සදහා පන්දුවට පහර දෙමින් සිටින ශ්‍රී ලංකා කණ්ඩායම කඩුළු 04 ක් දැවී ලකුණූ 165 ක් ලබා සිටින ලදී. ඒ ඉන්දියාව විසින් ලබා ගත් ලකුණු 172 කට පිළිතුරු වශයෙනි. තරගයේ පළමු සහ දෙවන දිනයන්ට වර්ෂාවෙන් දැඩි බාධා එල්ල විය. මේ වන විට නායක දිනේෂ් චන්දිමල් ලකුණු 13 ක් සහ නිරෝෂන් දික්වැල්ල ලකුණු 14 ක් ලබා නොදෙවී පන්දුවට පහර දෙන අතර ඇන්ජලෝ මැතිව්ස් ලහිරු තිරිමාන්න ලකුණු 51ක් ලබා ගැනීමට සමත් විය. අද (19) තරගයේ සිව්වන දිනයයි.
