රජයේ මුදල් අවභාවිතා කිරීම, හිටපු ජනාධිපති කාර්යය මණ්ඩල ප්රධානී ගාමිණී සෙනරත් ඇතුළු තිදෙනාට ඇප..
රජයේ මුදල් අවභාවිතා කළ බවට චෝදනා කරමින් අත්අඩංගුවට ගෙන රක්ෂිත බන්ධනාගාර ගත කළ හිටපු ජනාධිපති කාර්යය මණ්ඩල ප්රධානී ගාමිණී සෙනරත් මහතා ඇතුළු තිදෙනෙකු හට ඇප ලබාදෙන ලෙස අධිකරණය විසින් අද (21) නියෝග කර ඇත. අදාළ නඩුව විභාගයට ගනිමින් කොටුව මහේස්ත්රාත්වරයා විසින් මෙම නියෝගය ලබා දී තිබේ. ශ්රී ලංකා රක්ෂණ සංස්ථාවට අයත් රුපියල් බිලියන 04 ක මුදලක් අවභාවිතා කළ බවට චෝදනා ගාමිණී සෙනරත් මහතා සහ රක්ෂණ සංස්ථාවේ හිටපු අධ්යක්ෂවරුන් දෙනෙකුට එරෙහිව මෙම නඩුව පවරා ඇත.