මැතිවරණ වැඩට පොලිතීන් බෑ, නීති කැඩුවොත් දඩුවම් තදින් – මධ්‍යම පරිසර අධිකාරිය
මැතිවරණ ප්‍රචාරක කටයුතු සදහා පොලීතීන් භාවිතා කරනු ලබන පුද්ගලයන්ට එරෙහිව නීතිය ක්‍රියාත්මක කරන බව මධ්‍යම පරිසර අධිකාරිය අවධාරණය කර සිටියි. පැවැත්වීමට නියමිත පළාත් පාලන මැතිවරණයේ ප්‍රචාරක කටයුතු සඳහා කිසිදු ආකාරයකින් පොලිතීන් භාවිතා කළ නොහැකි බවට නීති පනවා ඇති අතර අදාළ නීතියට පටහැනිව කටයුතු කරනු ලබන පුද්ගලයින්ට එරෙහිව රුපියල් දස දහසක දඩයක්‌ හෝ වසර දෙකක සිරදඬුවමක්‌ හෝ අදාළ දඬුවම් දෙකටම යටත් වන අකාරයට නීති පනවා ඇති බව ද මධ්‍යම පරිසර අධිකාරිය වැඩිදුරටත් අනාවරණය කර සිටියි.
