හෙට මධ්‍යම රාත්‍රියේ සිට තැපෑලේ අඛණ්ඩ වර්ජනයක්..?
හෙට (10) මධ්‍යම රාත්‍රි 12 සිට අඛණ්ඩ වැඩ වර්ජනයක් දියත් කරන බව ඒකාබද්ධ තැපැල් වෘත්තිය සමිති පෙරමුණ අනතුරු අගවා සිටියි. සිය වෘත්තීය ඉල්ලීම් සම්බන්ධයෙන් මෙතෙක් විසදුම් ලබාදීමට බලධාරීන් කටයුතු නොකිරීම නිසා මෙම වර්ජනය ක්‍රියාත්මක කරන බවද එම පෙරමුණ වැඩිදුරටත් අවධාරණය කර සිටියි.
තැපැල් සේවකයින් මුහුණ දී ඇති සේවා ගැටළු සම්බන්ධයෙන් බලධාරීන් සමග මේ වන විට සාකච්ඡා කිහිපයක්ම පැවැත්වුවද මෙතෙක් කිසිදු යහපත් ප්‍රතිචාරයක් ලැබී නොමැති බැවින් වෘත්තීය ක්‍රියාමාර්ගකට අවතීර්ණ වීමට සිදුව ඇති බව ඒකාබද්ධ තැපැල් වෘත්තිය සමිති පෙරමුණ පවසා සිටියි.
